¿Cal era o reto deste proxecto?

Esta vez atopámonos co reto de deseñar unha tenda de xabóns no corazón do casco antigo de Santiago de Compostela. Local de apenas 30m² no que tiñamos que respectar uns condicionantes básicos de conservación de elementos protexidos do edificio.

¿Como o solucionamos?

No interior do local tiñamos un condicionante estético que inspirou en certa medida a posterior proposta final da tenda. Atopámonos cun teito cunha presenza moi marcada xa que a decoración tanto das cornixas como do florón central seguen unha estética con liñas de inspiración neoclásica.

Proxectouse un deseño con liñas xeométricas limpas e orgánicas, o uso do círculo ou a redondez marcan a estética principal da composición.

En canto á cor e á textura, decidiuse optar por tons suaves, relaxantes e frescos. A madeira de abeto achega a naturalidade e calidez que mesturado cun verde mint conseguiuse unha sensación de limpeza e lixeireza.

A iluminación no interior do local sempre é un punto moi importante a desenvolver, xa que con iso conseguimos mellorar unha experiencia de compra máis satisfactoria. Para iso alternamos dous tipos de iluminación.

Por unha banda e remarcando o perímetro do teito decorado, utilizouse unha iluminación indirecta e ambiental e para o centro da tenda colocouse unha luminaria suspendida.

Para iluminar o produto colocouse un tipo de iluminación máis técnica, conseguida cuns flexos que iluminan de forma directa o produto e que doutra banda conseguiron manter a calidez da estética xeral do local.